தென்னிந்தியாவின் ஆயுத பூஜை

 ஆயுத பூஜை

நவராத்திரியின் 9வது நாள்

ஆயுத பூஜை என்பது இந்து மத மக்களால் நவராத்திரியின் 9வது நாளில் கொண்டப்படுகிறது. அதே நேரத்தில் கர்நாடகா மற்றும் ஆந்திராவில் இது 10 வது நாளில் (தசரா) அனுசரிக்கப்படுகிறது.

 ஆயுத பூஜை தென்னிந்திய மாநிலங்களான தமிழ்நாடு, தெலுங்கானா, கர்நாடகா, ஆந்திரா, கேரளா போன்ற இடங்களில் சிறப்பாக கொண்டாடப்படுகிறது. பல பெயர்களால் அழைக்கப்படும் இவ்விழாவனது ஒன்பது நாட்கள் நிகழும். இக்காலக்கட்டத்தை நவராத்திரி என்று அழைப்பர். 

நவராத்திரி வழிபாட்டில் "கொலு" மிக முக்கிய இடத்தை பெறுகிறது. ஒன்பது நாட்கள் நிகழும் இவ்விழாவானது மூன்று பகுதியாக பிரிக்கப்பட்டு முதல் மூன்று நாட்கள் துர்க்கைக்கும், அடுத்த மூன்று நாட்கள் லட்சுமிக்கும், கடைசி மூன்று நாட்கள் சரஸ்வதிக்கும் வழிபாடு செய்யப்படுகிறது. கல்வியின் அதிபதியான சரஸ்வதியை வழிபாடு செய்வதால் இந்நாள் சரஸ்வதி பூஜை என்றும், கல்விக்கு இணையாக உள்ள தொழிலையும் அதன் கருவிகளையும் வழிபாடு செய்யும் முறை ஆயுத பூஜை என்றும் அழைக்கப்படுகிறது.

நவராத்திரியின் ஒன்பதாவது நாளில் வைக்கப்பட்டுள்ள கொலு 
https://pin.it/2eUZz1eMq


ஆயுத பூஜையின் புராணக்கதை :

               இவ்விழாவானது இரு புராணக் கதைகளுடன் தொடர்புடையது. புராணக் கதையின் படி, மகா சக்தியான தேவி துர்க்கா மகிஷாசுரா என்ற அரக்கனை அஷ்டமி மற்றும் நவமி சந்திக்கும் நாளில் கொன்றதாகவும், பின்னர் அந்த வதத்திற்கு பயன்படுத்தப்பட்ட ஆயுதங்களை தேவியின் முன் போட்டதாகவும் கூறப்படுகிறது. மகாசக்தியான துர்க்கா தேவியின் வெற்றியை கொண்டாடும் விதமாக ஆயுத பூஜை கொண்டாடப்படுகிறது. 

மகாபாரத இதிகாசத்தின் படி, பஞ்ச பாண்டவர்கள் சூதாட்டத்தில் தோற்று யார் கண்ணிலும் படாமல் வனவாசத்தை மேற்கொண்டனர். அப்போது பாண்டவர்களில் ஒருவரான அர்ஜூனன் தன் ஆயுதங்களை ஒரு வன்னி மரத்தின் கீழ் மறைத்து வைத்து சென்றார். ஒரு வருட கால வனவாசம் முடிந்து திரும்பிய பாண்டவர்கள் வன்னி மரத்தின் கீழ் மறைத்து வைத்திருந்த ஆயுதங்கள் எவ்வித பாதிப்பும் இல்லாமல் இருப்பதைக் கண்டு ஆச்சரியப்பட்டனர். பின்பு அவ்வாயுதங்களை எடுத்து வழிபாடு நடத்தி குருக்ஷேத்திர போருக்கு சென்று வெற்றியைக் கண்டனர். பாண்டவர்கள் ஆயுதங்களை வைத்து வழிபட்ட இந்நாளையும் ஆயுத பூஜையாக கொண்டாடப்படுகிறது. 

ஆயுத பூஜை வழிபடும் முறை:

முந்தைய காலக்கட்டத்தில் அரசர்கள் தங்கள் போருக்கு பயன்படுத்தபடும் ஆயுதங்கள், யுத்த ரதங்கள், குதிரைகள் வாள்கள் என அனைத்தையும் சுத்தம் செய்து திலகங்களால் அலங்கரிக்கப்பட்டு புஜித்தனர். இன்றைய காலக்கட்டத்தில் நம் வீட்டில் பயன்படுத்தப்படும் ஆயுதங்கள், தொழிலுக்கு பயன்படுத்தப்படும் ஆயுதங்கள் என அனைத்தையும் சுத்தம் செய்து பூக்கள், சந்தனம், குங்குமம் வைத்து பூஜைக்கு வைக்க வேண்டும். கல்விக்கு அதிபதியான சரஸ்வதியையும் இந்நாளில் நினைவுக்கூறுவதனால், கல்வி உபகரணங்களான புத்தகம், பென்சில், நோட்டு போன்றவற்றையும் பூஜையில் வைக்க வேண்டும். பூஜை நாட்கள் முடியும் வரை ஆயுதங்களையோ, கல்வி உபகரணங்களையோ பூஜையில் இருந்து எடுக்க கூடாது. 

தங்கள் வாழ்வை உயர்த்தும் ஆயுதங்களை தெய்வமாக கருதி வழிபடுவதே இந்நாளில் சிறப்பாகும். ஒவ்வொரு ஆண்டும் ஆயுத பூஜையை கொண்டாடுவதன் மூலம் முப்பெருந்தேவியரின் அருளை பெறலாம்.

Comments

Post a Comment

Popular posts from this blog

திருக்கார்த்திகை திருநாள்

Image
திருக்கார்த்திகை திருநாள்  திருக்கார்த்திகை என்றாலே நம் அனைவருக்கும் முதலில் நினைவில் வருவது தீபம். இக்கார்த்திகை திருநாளென்பது வீடுதோறும் விளக்கேற்றி இல்லத்திலும் உள்ளத்திலும் ஒளியின் அருவுருவான கடவுளை வணங்குவதே ஆகும். கார்த்திகை என்றால் கார்காலத்தின் முடிவு என்று பொருள். கார்த்திகை மாதத்தில் அனைத்து வீடுகளிலும் விளக்கேற்றி வழிபடுவது வழக்கம். திருக்கார்த்திகையானது இந்த வருடம் கார்த்திகை மாதம் 28ஆம் தேதி டிசம்பர் 13, 2024 அன்று வெள்ளிக்கிழமை கொண்டாட படுகிறது.  பண்டைய தமிழர், 27 நட்சத்திரங்களையும் தமிழ் மாதத்தின் ஒவ்வொரு நாளுடனும் ஒப்பிட்டு, அந்த நட்சத்திரத்தின் பெயர் கொண்டு அழைத்தனர். அந்த 27 நட்சத்திரங்களுள் ஒன்று தான் கார்த்திகை ஆகும். இந்த கார்த்திகை மாதத்தில் வரும் கார்த்திகை நட்சத்திரத்தை சிறப்பாக கருதி திருக்கார்த்திகை என பெயரிட்டு கோயில்களிலும் வீடுகளிலும் விளக்கேற்றி வழிபட்டு வந்தனர்.  வழக்கம் போலவே, இந்துக்கள் பண்டிகை என்றாலே அதற்கு பற்பல புராணக்கதைகளும் வரலாறும் உண்டு. அதுபோலவே இத்திருக்கார்த்திகைக்கும் பல வரலாறு உண்டு. கார்த்திகையின் வரலாற்றை காண்பதற்கு முன்...
Read more

உற்சாகமாக கொண்டாடப்படும் ஓணம் பண்டிகை

Image
பாரம்பரிய சிறப்பு மிக்க ஓணம் பண்டிகை  இந்தியாவின், தென்தமிழகத்திலும் மற்றும் கேரள மாநிலத்திலும் கொண்டாடப்படும் ஒரு பாரம்பரிய சிறப்பு மிக்கத் திருவிழாவாக ஆவணி திருவோணம் என்றழைக்கப்படும் ஓணம் பண்டிகை கொண்டாடப்படுகிறது. மகாவிஷ்ணு மற்றும் மன்னன் மகாபலி ஆகியோரின் நினைவாக ஓணம் பண்டிகையை மக்கள் கொண்டாடுகின்றனர். ஆவணி திருவோணம் என்று அழைக்கப்படும் ஓணம் பண்டிகை மலையாள ஆண்டான சிங்கம் மாதத்தில் ஹஸ்த்தம் நட்சத்திரத்தில் துவங்கி, திருவோணம் நட்சத்திரம் வரை இவ்விழா கொண்டாடப்படுகிறது. கேரள மக்களால் சாதி, மத வேறுபாடின்றி கொண்டாடப்படும் பண்டிகை ஓணம். இதைக் கேரளத்தின் " அறுவடைத் திருநாள் " என்றும் அழைப்பர்.  மகாபலி சக்கரவர்த்தியின் நவீன புனைவு படம்  மன்னன் மகாபலி சக்கரவர்த்தி   மகாபலி சக்கரவர்த்தி என்னும் மன்னன் முற்பிறவியில் எலியாக பிறந்தார். ஒரு நாள் சிவன் கோயிலில் திரிந்து கொண்டிருந்த அந்த எலி, அங்கு சிவபெருமானுக்கு அருகில் ஏற்றி வைக்கப்பட்டிருந்த ஒரு விளக்கு அணையும் நிலையில் இருந்தது. அந்த விளக்கின் திரியின் மீது எலியின் வால் தற்செயலாக பட்டது. மீண்டும் அந்த விளக்கு தூண்டப்பட்டு ...
Read more

விநாயக சதுர்த்தி

Image
விநாயக சதுர்த்தி பிள்ளையார், கஜமுகன், விக்னேஸ்வரன், சிவபார்வதியின் மைந்தன், கணபதி, ஆனைமுகன் என இன்னும் பல பெயர்களால் அழைக்கப்படும் விநாயகர் அவதரித்த தினமான விநாயகர் சதுர்த்தி விழா ஒவ்வொரு ஆண்டும் ஆவணி மாதம் சதுர்த்தி திருநாளில் கொண்டாடப்படுகிறது.  அதன்படி, குரோதி வருடமான 2024 -ல் விநாயகர் சதுர்த்தி செப்டம்பர் மாதம் 7-ம் தேதி சனிக்கிழமை அன்று கொண்டடப்படுகிறது.  இந்துக்களால் மிகவும் உற்சாகத்துடன் கொண்டாடப்படும் பண்டிகைகளில் ஒன்று விநாயகர் சதுர்த்தி விழா. விநாயகர், புதிய தொடக்கங்களின் கடவுள், முழுமுதற்கடவுள், தடைகளை நீக்குபவர், ஞானம் மற்றும் புத்திசாலித்தனத்தின் கடவுள் என போற்றப்படுகிறார். பெரியபிள்ளை வலசையில் வைக்கப்பட்டுள்ள விநாயகர் உருவ சிலை விநாயகர் சதுர்த்தி வரலாறு... விநாயக சதுர்த்தி எப்போது முதன்முதலில் கொண்டாடப்பட்டது என்பது அறியப்படவில்லை என்றாலும் மன்னன் சிவாஜியின் காலத்திலிருந்தே இந்த விழா புனேவில் பிரம்மாண்டமாக கொண்டாடப்படுகிறது . இந்தியாவில், விநாயக சதுர்த்தி முதன்மையாக மத்திய மற்றும் மேற்கு மாநிலங்களான மகாராஷ்டிரா , மத்தியப் பிரதேசம் , குஜராத் , ராஜஸ்தான் மற்...
Read more